БҚО-да жазда жағажайларды 650 адам күзетеді
Тыйым салынған және қауіпті жерлерде балалар мен ересектердің шомылуын болдырмау үшін 400 құтқарушы мен 250 волонтер рейдтерге шығады. БҚО ТЖ департаментінің мамандары өткен жылы облыс бойынша су айдындарында 31 адам суға батып кеткенін, оның 10 – ы балалар екенін еске салды. Департамент судағы қауіпсіздік ережелері туралы еске салып, Облыстың жағажай маусымына қалай дайындалып жатқанын айтты.
БҚО төтенше жағдайлар департаменті басшысының орынбасары Рашид Бляловтың айтуынша, 2021 жылы облыстың су айдындарында 31 адам суға батып кеткен, оның 10 – ы балалар.
– Облыс бойынша жазғы маусымда бұқаралық демалыс, туризм және спорт үшін 69 орын анықталды, оның ішінде 19 жағажай. Төтенше жағдайларға ден қою үшін 72 құтқарушы, 21 жүзу құралы, 1 катер және 15 патрульдеу автомобилі дайындалды, — деді Рашид Блялов.
Ол құтқарушылардан басқа, алдын алу іс-шараларына қоғам белсенділерін тартатынын атап өтті.
– Адамдардың көпшілік демалатын орындарында рейдтер жүргізіледі, ол үшін біз ТЖД жеке құрамынан 400 адамды, сондай-ақ БҚО қоғамдық ұйымдарының 250 еріктісін жұмылдырамыз. Рейдтік іс-шараларда жұмыссыздарды уақытша жұмыспен қамтуға тартатын шығармыз, – деп атап өтті Рашид Блялов.
Балалар лагерлерінде және аудан орталықтарында билік балалардың қауіпсіз жағдайда шомылуы үшін модульдік рамалық бассейндер орнатады. Мұндай бассейндер туралы ақпарат 2GIS-те көрсетіледі.
Александра Федорова
