Энергетика министрі: электр энергиясы тарифтері өседі
Жақында өткен брифингте Энергетика министрі Болат Ақшолақов электр энергиясы тарифінің көтерілуі мүмкін екенін айтты.
— 15 маусымда біз болжамдық көрсеткіштерді көтерме бағамен орналастырып, 1 шілдеде бекітуіміз керек. Бірден айта кету керек, өсім болады, бұл көмірдің қымбаттауы мен көлік шығындарының өсуінен болады. Тағы бір маңызды мәселе – жұмысшылар жалақыларының төмендігі, сол себепті мамандар тұрақтамайды.Осының бәрі тариф мәселесін құрайды.Сондықтан тарифтердің өсуі осындай үш фактормен байланысты. Менің ойымша, бұл мәселеге байланысты алдын ала нақты бағаны атау қиын, – деді министр.
Сондай-ақ ол кеншілер үшін жоғарылатылған тариф енгізу жоспарланып отырғанын атап өтті.
— Біз сараланған тәсілді ұсынып отырмыз. Таза экспортқа бағытталған кәсіпорындар да бар. Біз мұндай компанияларға әділ баға төлесе, ал халық азырақ төлесе әділетті болар еді деп есептейміз. Сондай-ақ, әлеуметтік көмек көрсету бағдарламасы бар, – деп қорытындылады Ақшолақов.
