БҚО-да жергілікті өндірісті ұлғайту арқылы ет импорты азаяды
Бұл туралы БҚО әкімі Ғали Есқалиев Орталық коммуникациялар қызметінің алаңында журналистермен өткен брифинг барысында мәлімдеді. Ол БАҚ-қа жергілікті фермерлер 656 мыңнан астам тұрғынды етпен қамтамасыз етіп қана қоймай, сонымен қатар өз өндірісінің жартысын экспортқа шығаратынын айтты.
Өңір басшысы мал шаруашылығы саласында еңбек етіп жүрген облыс тұрғындары жыл бойы жұмыспен қамтылғанын атап өтті. Мал басы жыл сайын артып келеді, мал шаруашылығы саласы облыстағы басты және дәстүрлі салалардың бірі болып табылады.
Ғали Есқалиевтің айтуынша, мал басының жыл сайынғы өсуі жергілікті ет өндірісін ұлғайтуға және сапасыз ет өнімдерінің импортын алмастыруға мүмкіндік береді. Сонымен қатар, жергілікті ет өндірісінің үлкен көлемі ет өнімдерінің экспортын арттырады.
БҚО әкімінің айтуынша, облыста 860 мың ірі қара, қой мен ешкі — 1 816 мың, жылқы — 300 мың бас тіркелген. БҚО жыл сайын 1,3 млн адамды етпен қамтамасыз етеді (БҚО халқының саны 650 мыңнан асады).
Ғали Есқалиев облыста еліміздің басқа өңірлерін етпен қамтамасыз ету әлеуеті бар екенін айтты.
Мария ДРАЧЕВА
