Тоқаев екі министрге сөгіс жариялады
Қазақстан президенті Қасым-Жомарт Тоқаев Сауда және интеграция министрі Бақыт Сұлтанов пен Ауыл шаруашылығы министрлігінің басшысы Ербол Қарашөкеевтің жұмысын сынға алды. Үкіметтің кеңейтілген отырысында қымбатшылық пен өндірістің әлсіздігі үшін оларға сөгіс жариялады.
Тоқаев еліміздің импорттық тұқым мен қантқа өте тәуелді екеніне назар аударды.
«Бұған дейін пайдалануға берілген жеті қант зауытының бүгінде төртеуі ғана жұмыс істеп тұр, олардың тек үштен бірі (31%) ғана жүктелген. Ауыл шаруашылығы министрлігі 2026 жылға қарай қызылша қантының үлесін алты есеге (7-ден 43%-ға дейін) арттыруды жоспарлап отыр. Дегенмен, соңғы төрт жылда қант қызылшасының алқабы үштен бірге қысқарды» деді президент.
Ел 90% импорттық қантқа тәуелді. Бұл үкіметтің үлкен қателігі. Президент үкіметке қант өнеркәсібін дамытудың жеке салалық жобасын жедел әзірлеуді тапсырды.
«Өсімдік шаруашылығының өнімділігі әлемдік деңгейден айтарлықтай артта қалды. Меншікті тұқыммен қамтамасыз ету 51 пайызды ғана құрайды. Картоп пен қант қызылшасы сияқты позициялар үшін бұл көрсеткіш 10%-дан аспайды. Біз импорттық тұқымға қатты тәуелдіміз. Үкімет пилоттық шаруашылықтар негізінде бастапқы тұқым шаруашылығын дамытуы керек» деді Тоқаев.(Оrda.kz)
