БҚО-да салынған жолдардың жартысы сапасыз
Батыс Қазақстан облысы сапасы нашар жолдардың саны ең көп өңірлер бестігінде. Біздің өңірдегі жолдардың 43% — ы сапасыз орындалған, — деп мәлімдеді бүгін Үкімет отырысында.
ҚР Индустрия және инфрақұрылымдық даму министрі Қайырбек Өскенбаев БҚО әкімдігі автожолдардың жағдайын жақсарту үшін қаржыландырудың тепе-тең бөлінуін қамтамасыз етпейтінін атап өтті
— Мемлекет басшысының тапсырмасына қарамастан, Батыс Қазақстан облысында автожолдардың жағдайын жақсартудың төмен қарқыны байқалуда. Өткен жылдың қорытындысы бойынша өңір жолдарының нормативтік жағдайы 39% құрады, орташа республикалық мәні 80%. Батыс Қазақстан облысының әкімдігі ағымдағы жылы 2,6 млрд теңге бөлді, бұл барлық бюджеттің 10% – ын (қажетті қаржыландыру кезінде 30%) құрайды», — деді ИИДМ басшысы.
Министрдің айтуынша, жергілікті жолдардың сапасын тексергеннен кейін 28% (9 мың сынаманың 2,5 мыңы) талаптарға сәйкес келмейтіні анықталды. Жолдардың сапасы нашар бойынша келесі қалалар мен өңірлер көш бастап тұр:
Шымкент (71%);
Маңғыстау облысы (61%);
Алматы (56%);
Шығыс Қазақстан облысы (49%);
Батыс Қазақстан облысы (43%);
Түркістан (40%).
ӘРІ ҚАРАЙ ТАҚЫРЫП БОЙЫНША: БҚО-да жергілікті жолдарды жөндеу кезінде 42 бұзушылық анықталды
