Шағын жинақталған мектептерде білім сапасы төмен, ал олардың құрылысы қымбат – БҚО әкімі

Батыс-Қазақстан облысы 60 және 100 орындық шағын жинақты мектептер саны бойынша республикада көш бастап тұр.

Облыста мұндай 215 мектеп бар. Олардың шамамен 90% – ы жөндеуді немесе жаңа мектепті қажет етеді. Бұл туралы облыс әкімі қоғамдық кеңес мүшелерімен кездесуде мәлімдеді.

— 54 орындық бір шағын жинақты мектеп салу үшін бюджеттен 700 млн теңге бөлу керек. 108 орындық мектеп құрылысы 900 млн теңгеге қаржыландыруды талап етеді. Бюджетте ақша жетпейді, – деді Ғали Есқалиев.

Сонымен қатар, оның айтуынша, шағын жинақталған мектептерде білім беру сапасы төмен, бұған ҰБТ нәтижелері дәлел бола алады.

— Қазір Қазталов ауданындағы шалғын ауылында 800 млн теңгеге 60 орындық мектеп салып жатырмыз. Мен осы ауылдың тұрғындарына Қоскөл ауылында, интернаттың жанында үйлер салуды ұсындым. Интернаты бар үлкен мектеп бар, ол жартылай бос. Көптеген балалар оқитын үлкен мектепте бәсекелестік болады, және, әрине, білім сапасы жақсы болады. Бірақ Шалғын тұрғындары келіспеді. Біз шағын жинақты мектептер саламыз, бірақ осындай мектептерден қандай балалар шығарылады? – деп, БҚО әкімі сауал қойды.

Есқалиев БҚО қоғамдық кеңесінің мүшелерінен сапасыз білім беру мәселесін шешу үшін БҚО білім басқармасына шағын жинақты мектептерге талдау жасауға көмектесуін сұрады.

Серік ЕСЕНОВ