2023 жылы аудандар мен облыстық маңызы бар қалалар әкімдерінің сайлауы өтеді
Әділет вице-министрі Алма Мұқанова келесі жылы елімізде аудандар мен облыстық маңызы бар қалалар әкімдерін сайлау өтетінін айтты.

2021 жылдың шілде айынан бастап Қазақстанда ауылдық округ әкімдерін тікелей сайлау басталды.
Жергілікті өзін-өзі басқаруды дамыту тұжырымдамасына сәйкес 2025 жылға дейін Қазақстанда әкімдерді сайлау институты кезең-кезеңімен енгізілуде.
«Өткен жылы ауылдар мен кенттер әкімдерінің сайлауы өтті, 2023 жылдан бастап пилоттық режимде аудандар мен облыстық маңызы бар қалалар әкімдерінің сайлауын өткізуді бастау ұсынылады», – деп хабарлады Министрдің орынбасары. (Орда)