Қостанай облысындағы өрт: 100-ден аса ғимаратқа зақым келді
Қостанай облысындағы өрт салдарынан 108 ғимаратқа залал келтірілді, деп хабарлайды обыстық төтенше жағдайлар департаменті.
«3 қыркүйек, сағат 16.00-ден бастап өрт Озерный ауылына өтті, мұнда 8 үй мен бір әкімшілік ғимараты, Лесной ауылында бір үй, Аманөарағай ауылында 98 тұрғын үй мен қора-қопсы өртенді. Ұазіргі уақытта 108 ғимаратқа зақым келді», — делінген хабарламада.
Бүгін облысқа қосымша күш жіберіледі: 15 автоцистерна, 2 вахташылар, 1 қызметтік көлік, Нұр-Сұлтан қаласы ТЖД құрамынан 98 адам, Алматыдан су шашатын екі тікұшақ.
Қазір өртті сөндіруге 91 техника, 3 тікұшақ, 5 өрт сөндіру пойызы мен 600 адам жұмылдырылған.
Аманқарағай мұнай базасы мен Лесной аумағындағы өрт сөндірілді. Бұған дейін ТЖД баспасөз қызметі өрт салдарынан бір адам қаза тапқанын хабарлаған болатын. Өрт ауыздықталғаннан кейін тағы екі адам қаза тапқаны белгілі болды. Олардың денелері үйінді астынан табылған. Қаза болғандар — 20 және 35 жастағы ер адамдар. Бүгін таңертең Аманқарағай елді мекеніндегі үйінділерді қарау барысында адам денесі табылды. Ол — 1936 жылы туған мүгедектігі бар ер адам. Жедел іс-шаралар барысында учаскелік инспекторлар оған хабарлағаны, бірақ ол эвакуация шараларынан бас тартқаны анықталды. Дегенмен адам өліміне қатысты тергеу шаралары жүргізіледі.
Сондай-ақ, ол өрт қаупі бар елді мекендерден 1800-ден аса адам эвакуацияланғанын айтты. Өрттің жалпы ауданы 43 мың гектардан асады.
Еске салайық, Қостанайда Назарбаев даңғылы, 115 мекенжайында «Оружейная палата» дүкені өртенген еді. Содан кейін өрт «Оңтүстік» қызмет көрсету станциясы мен асхана ғимаратын шарпыған. Сондай-ақ, жақын маңдағы екі автокөлік өрттен зардап шеккен.
Ертең сағат 9: 00-ден бастап «AMANAT» партиясының барлық өңірлік филиалдарында зардап шеккендерге гуманитарлық көмек қабылдау пункттері ашылады.
Сонымен қатар, партиялықтар мен «Жастар Рухы» жастар қанатының мүшелерінен волонтерлер тобы құрылады, олар Қостанай облысына қалпына келтіру жұмыстарына қатысу үшін шығады.
