Kaspi.kz -N1 Қазақстандағы интернет-дүкен
Kaspi.kz бесінші жыл қатарынан Қазақстанда электрондық коммерцияның көшбасшысы болып танылды.
Қазақстандық ірі сауда интернет-алаңдарының TOP KZ Retail E-Commerce 2022 ренкингінде Kaspi.kz қайтадан бірінші орынға шықты. Kaspi.kz бесінші жыл қатарынан Қазақстанда электрондық коммерцияның көшбасшысы болып танылды.
Kaspi.kz-тің басшысы әрі негізін қалаушылардың бірі Михаил Ломтадзе былайша түсіндіріп өтті:
«Бізбен бірге болғаны үшін әрбір сүйікті клиентіміз бен серіктесімізге рақмет айтамыз! Kaspi.kz-тегі интернет-дүкенде негізінен шағын және орта бизнес компанияларының 2,5 миллионға жуық алуан түрлі тауарлары ұсынылған. Бір жағынан, біз компаниялардың өсуіне және жаңа жұмыс орындарын ашуға көмектесеміз, екінші жағынан, сүйікті клиенттерімізге тегін жеткізу қызметімен тиімді зат сатып алуға көмектесеміз».
Forbes Kazakhstan іскерлік журналы Baker Tilly Kazakhstan халықаралық консалтинг компаниясымен бірлесіп жыл сайын TOP KZ Retail E-Commerce ренкингін жасайды. Бұл – онлайн сатудан түсетін түсім көлемі бойынша қазақстандық интернет-компаниялардың тұрақты рейтингі.
