18 қыркүйектен бастап тіркелмеген көліктердің жүргізушілері куәліктен айырылады
Бұған дейін шетелдік немесе транзиттік нөмірмен жүрген қазақстандықтар көлікті есепке қоймаған жағдайда екінші рет заң бұзған кезде 10 АЕК мөлшерінде айыппұл төлесе, енді бір жылға жүргізуші куәлігінен айырылуы мүмкін. Немесе 20 АЕК, яғни 61 260 теңге айыппұл төлейді.
Әңгіме көлікті қазақстандық есепке қоймаған, шетелдік немесе транзиттік нөмірлермен жүрген көлік иелер туралы болып отыр.
ҚР ӘҚБтК-нің 590-бабының 2-1-бөлігіне сәйкес көлік құралын мемлекеттік тіркеу нөмірі белгілерінсіз немесе оны пайдалануға тыйым салынғаннан кейін бір жыл ішінде қайталап жүргізгені немесе белгіленген тәртіппен тіркелмегені үшін 20 АЕК (2022 жылы 61 260 теңге) мөлшерінде айыппұл салуға немесе бір жылға құқықтан айыруға жол беріледі.
Норма Әкімшілік кодексте қарастырылған, оған түзетулер 18 қыркүйекте күшіне енді.
Айта кетейік, бұған дейін бұл бұзушылық үшін жүргізушілерге тек 10 АЕК айыппұл салынды. Айыппұлды төлеп, тәртіп бұзушылар тіркелмеген көлікпен жүруді жалғастырды.
Енді көлік мемлекеттік нөмірсіз немесе қазақстандық есепке алусыз қайта ұсталған жағдайда жүргізушіге екі есе көп айыппұл немесе бір жылға құқығынан айыру қаупі төнеді.
Дереккөзі: Sputnik.kz
