Оралда полицей көлігімен адамды басып, оқиға орнынан қашып кеткен
Анықтау басқармасының бастығы Ерлан Жақсыбаевтың айтуынша, 18 қыркүйекке қараған түні Орал қаласындағы Момышұлы көшесінде жол-көлік оқиғасы орын алып, салдарынан 58 жастағы жәбірленуші оқиға орнында көз жұмған.
— Жол-көлік оқиғасына кінәлі 1992 жылғы адам оқиға орнынан бой тасалаған, ҚР ҚК-нің 345-бабының 3-бөлігі «Абайсызда адам өліміне әкеп соққан ЖҚЕ бұзу» және ҚР ҚК-нің 347-бабы «ЖКО орнынан кету» бойынша тергеу басталды. Біз жедел-іздестіру іс-шараларын жүргіздік, оның нәтижесі бойынша қылмыс жасаған адам анықталды. Ол біздің қазіргі полиция қызметкері. Жаяу жүргіншіні қағып кеткен Hyundai айып тұрағына қамалды. Ол қызметкер болғанына қарамастан, біз ең қатаң шаралар қабылдадық және оны уақытша ұстау изоляторына қамадық. Біз зардап шегушінің отбасына көңіл айтамыз, — деді Мирхат Аженов.
Оның айтуынша, іс тек Департамент басшылығының ғана емес, ІІМ басшылығының да бақылауында. Іс бойынша бірқатар сараптамалар тағайындалды.
— Ол куәлік беруден бас тартты. Бірақ ол қылмыс жасағанын мойындады. Оқиғаның басқа сәттері анықталады», — деді Аженов.
Ведомствода атап өткендей, көлік жүргізу кезінде полиция капитаны атағында учаскелік полиция қызметкері болған.
