БҚО-ның шекарасынан Ресей Федерациясының 17 мыңға жуық азаматы өткен — «Қош бол, Ресей, кірлеген!»
20-26 қыркүйек аралығында, облыс әкімдігінің мәліметі бойынша, Ресей Федерациясының 16 898 азаматы шекарадан өткен.
Ресей тұрғындары Оралдағы ХҚКО-ға ұзын сонар кезек қалыптастырды. Мұнда олар ЖСН және уақытша тұруды рәсімдейді.
Біз қазір РФ азаматтарының біздің аймақ бойынша жүріп — тұруын бақылау үшін барлығын жасап жатырмыз, — деп хабарлады облыс әкімінің орынбасары Бақытжан НАРЫМБЕТОВ.
— Жергілікті полиция қызметі жағдайды бақылап, жедел іс-шаралар өткізуде. Әзірге Ресей азаматтарының қатысуымен бірде-бір оқиға болған жоқ. Біз үшін халықтың өзін қауіпсіз сезінуі өте маңызды, — деп атап өтті Бақытжан Нарымбетов.
Ресей азаматтарының Қазақстан шекарасынан заңсыз өту жағдайлары да тіркелген жоқ, — деп хабарлады облыс әкімінің орынбасары.
