Орал құрылыс бөлімінің басшысы 11 жылға сотталды
Екі сотталушы да ең жоғары қауіпсіздік колониясында жазасын өтейді. Үкім жарияланғаннан кейін сотталушылар сот үкімімен келіспейтіндерін айтты. Олардың туыстары сот залында наразылықтарын білдірді.
Бүгін, 28 қыркүйекте БҚО қылмыстық істер жөніндегі мамандандырылған ауданаралық сотының судьясы Асланбек Дүйсенғалиев Орал қаласы әкімдігінің құрылыс бөлімінің басшысы Арман Өксікбаев пен оның серіктесі Александр Нагметовке қатысты үкімді жариялады.
— Өксікбаев Арман Серікұлы ҚР ҚК 24-бабының 3-бөлігінде, 366-бабының 4-бөлігінде (Аса ірі мөлшерде пара алуға оқталу) көзделген қылмысты жасағаны үшін кінәлі деп танылсын және осы бап бойынша оған мемлекеттік лауазымдарды атқару құқығынан өмір бойына айыра отырып, 11 жыл мерзімге бас бостандығынан айыру түріндегі жаза тағайындалсын. Александр Иванович Нагметов ҚР ҚК 24 — бабының 3-бөлігі, 28-бабының 5-бөлігі, 366-бабының 4-бөлігі кінәлі деп танылсын және осы бап бойынша оған өмір бойы мемлекеттік лауазымдарды және квазимемлекеттік сектордың қаржы ұйымдарында лауазымдарды атқару құқығымен 8 жыл жаза тағайындалсын, — деп судья Асланбек Дүйсенғалиев үкім оқыды.
Үкім жарияланғаннан кейін Арман Өксікбаев сот үкімімен келіспейтінін айтты.
— Мені жасамағаным үшін айыптады, — деді ол үкім жарияланғаннан кейін.
Александр Нагметов те үкіммен келіспеді.
Конвой сотталушыларды сот залынан шығарған кезде, Арман Өксікбаевтың анасы ұлына қатысты сот үкіміне наразылығын білдірді.
— Бұл сот дұрыс емес, Нұрғалиев-ұры. Біз барлық құжаттарды сотқа бердік, Нұрғалиев өзіне 1 миллиард 200 миллион алып, тыныш отыр. Арманнан әйелі жалға берген трактор үшін ақшаны тапты, бізде әділеттілік бар ма? Ол не үшін отырады? Ол ақша сұраған бірде-бір әңгіме жоқ. Назарбаевтың немере інісі миллиардтап ұрлады-6 жыл берді. Ал бұл алмады, сонда не үшін отырады? — сотталған Арман Өксікбаевтың анасы үкімге түсініктеме берді. Ол өз атын атағысы келмеді.
Сотталушылардың туыстарының айтуынша, олар үкімге шағымданатын болады.
Айта кету керек, сот кәсіпкер Нұрғалиевтің талабын қанағаттандырудан бас тартты, ол Александр Нагметов арқылы Арман Өксікбаевқа пара ретінде берген 130 миллион теңге сомасындағы материалдық зиянды өтеу туралы талапты мәлімдеді.
Еске сала кетейік, Арман Өксікбаев пен Александр Нагметов 2021 жылдың 11 қазанында ұсталған болатын. Одан кейін оларға ҚР ҚК 366-бабы 4-бөлігі бойынша «Аса ірі мөлшерде пара алу»деген айып тағылды. Айыптау нұсқасы бойынша, Александр Нагметов Арман Өксікбаевтың атынан кәсіпкер – «ШалқарПромХолдинг» ЖШС компаниясының директоры Әлібек Нұрғалиевтен-134 миллион теңге және пара ретінде құны 40 миллион теңге болатын жаңа тракторды талап еткен. Айыптаушы тараптың айтуынша, кәсіпкер «Нұрлы жер»мемлекеттік бағдарламасы бойынша жалпы сомасы 2,2 миллиард теңге болатын Мемлекеттік сатып алу конкурсында жеңіске жеткені және Орал қаласында 9 қабатты екі үйдің құрылысы бойынша орындалған жұмыстар актісіне кедергісіз қол қойғаны үшін ақша берген.
Сотта кәсіпкер Әлібек Нұрғалиев Нағметовтардың ағалары оны қорқытқанын және конкурста жеңіске жеткеннен кейін одан ақша талап еткенін айтты. Өз өмірінен қорқып, ол оларға 130 миллион теңгені екі транш арқылы қолма-қол берді. Осыдан кейін Александр Нагметов пара талап етуді жалғастырған кезде, ол сыбайлас жемқорлыққа қарсы қызметке өтініш жазды.
Сотталушылар Нагметов пен Өксікбаев Нұрғалиевтің айғақтарын өтірік деп атады және ол сыбайлас жемқорлыққа қарсы қызметке жүгінгенін айтты, өйткені ол өзі мемлекеттік бағдарлама бойынша тұрғын үй құрылысына бөлінген бюджет ақшасын иемденіп кетті. Сотта Нұрғалиев шын мәнінде құрылысқа бөлінген ақшаны өз компаниясының шотынан өз туыстарының шотына аударғаны анықталды.
Сыбайлас жемқорлыққа қарсы қызметтің қызметкерлері ұсталғанға дейін Арман Өксікбаевтың сөздерін 11 күн бойы бақылап, жазып отырды, бірақ ол Нұрғалиевтен ақша талап ететін сөздерін жаза алмады немесе өзінің серіктесі Александр Нагметовпен пара туралы сөйлескенін.
Талғат Омаров
«Маған Арман Өксікбаев барлық мәселелерді шешетінін, оның барлық жерде танысы бар екенін айтты»
Сотта Орал әкімдігі құрылыс бөлімі басшысының пәтерін тінту кезіндегі видео көрсетілді
