Қазақстанның СІМ Захарованың мәлімдемесіне байланысты Ресей елшісін қатаң сыңға алды
ҚР Сыртқы істер министрлігі Ресей Федерациясы сыртқы істер министрлігінің өкілі Мария Захарованың Қазақстан тарапына қатысты мәлімдемесіне орай Ресей елшісі Алексей Бородавкин қатаң сынға алынды, деп хабарлайды агенттік тілшісі.

«Елші Сыртқы істер министрлігіне байыпты әңгімеге шақырылды. Біз Ресей Федерациясы Сыртқы істер министрлігінің ресми өкілі Мария Захарованың тең құқылы стратегиялық әріптестік рухына сәйкес келмейтін мәлімдемесін талқыладық. Әңгіме өте қатал болды», – деп хабарлайды Қазақстанның СІМ-нен ҚазТАГ редакциясына бейсенбіде.
Естеріңізге сала кетейік, бұған дейін Қазақстандағы Украина елшісі Петр Врублевский орыс этносы өкілдерін өліммен қорқытқан болатын. Ол кезде Қазақстан халық Ассамблеясы украин елшісінің орыстарға көрсеткен қоқан-лоққысын қатаң сынады.
4 қазанда Қазақстанның елшісі Ермек Көшербаевтың Украина елшісі Петр Врублевскийдің мәлімдемесіне қатысты Ресей Сыртқы істер министрлігіне шақырылғаны белгілі болды. Қазанның 5-і күні Қазақстанның Сыртқы істер министрлігі Украина елшісі Петр Врублевскийдің Украина тарапының шешімімен Қазақстаннан кететінін хабарлады, ал Захарованың мәлімдемесі Қазақстан мен Ресей арасындағы одақтастық қарым-қатынастардың сипатына сәйкес келмейді.
Мәжіліс депутаты Айдос Сарым Захарованың мәлімдемесіне түсініктеме бере отырып, Врублевскийдің Қазақстаннан бәрібір кететінін біліп, жағдайды пайдаланды деген пікірін білдірді. Ал депутат Азат Перуашев Ресейден Қазақстан мемлекеттілігін құрметтеуді талап етті.