Оралда жол апатынан жас жігіт көз жұмды
Оқиға 30 қазанда «Саяхат» аялдамасы тұсында болған.
БҚО полиция департаментінің мәліметі бойынша, түнгі сағат екіде Hyundai Solaris жүргізушісі қарсы бетке шығып кетіп HYUNDAI Grand Starex-пен бетпе-бет соқтығысқан. 1992 жылы туған Solaris жүргізушісі сол жерде қайтыс болды.
345 — баптың 3-бөлігі бойынша сотқа дейінгі тергеу жүргізілуде-Абайсызда адамның өліміне әкеп соққан ЖҚЕ бұзу.
«Жедел жәрдем түнгі сағат 02.34-те шақыртылды. Алған жарақаттары салдарынан жас жігіт оқиға орнында қаза тапты. 1977 жылы туған әйел бас пен мидың жабық жарақатын алған, миы шайқалған. Ол қалалық көпбейінді ауруханаға жеткізілді», — деп хабарлады БҚО денсаулық сақтау басқармасының баспасөз қызметі.
