Ақсай жолы шұңқырларды жөндеуден кейін жақсарды-Оралдағы «ҚазАвтоЖол» филиалының бастығы

Жыл басымен салыстырғанда Ақсайға жол «азда болса» жақсарды — дейді «ҚазАвтоЖол «ҰК» АҚ филиалының басшысы Қазбек Мәмбетов. Оның айтуынша, шамамен 23000 м2. шұңқырлы жөндеу жұмыстары жүргізіліп, жол төсемі фрезерленді.

Ресей Федерациясының шекарасына дейінгі жолдағы екі учаскені күрделі жөндеу қаржыландыру көзі әлі анықталмағандықтан келесі жылдың басына дейін кейінге қалдырылды. Жалпы, жолдың төрт учаскесін күрделі жөндеу құны 88 млрд. теңгеге белгіленді.

Екі учаске бойынша мердігерлер анықталды. Үкіметтегі тағы екі учаске бойынша қаржыландыру көзін – КПО б.в. қаражаты есебінен немесе республикалық бюджет қаражатынан айқындайды.

– Биыл тендер өткізіліп, мердігерлер анықталды. Федоровкаға дейінгі «036 км»бірінші учаскесінде, Облавкадан «180-184 км» (ауылдың атауы – авт. ескерт.) және ары қарай. Қазір мердігерлер материалдар жинауда. «108» және «144» учаскелерінде астыңғы қабат төселген. Шамамен алты шақырым жолдың негізі қаланды. Екі шақырым жерде асфальтбетон жабыны бар, – деді Қазбек Мәмбетов (суретте).

Мәмбетовтің айтуынша, 36-дан 108 шақырымға дейінгі жол учаскесін КПО б.в.консорциумының қаражаты есебінен жөндеу жоспарланған болатын, бірақ бұл мәселе әлі шешілген жоқ.

– Қаржыландыру көзі туралы шешім келесі жылдың басында қабылданады деп ойлаймын. Біз келіссөздер жүргізіп жатырмыз. Біз құжаттарды ұсындық. Мәселе үкіметте қаралуда, – деді Мәмбетов.

Сондай-ақ, «Қазавтожол» ұлттық компаниясы филиалының басшысы жыл басымен салыстырғанда қазір Ақсай тас жолымен жүру «азда болса» жақсарғанын атап өтті.

– Шұңқырлары көп  учаскелерде жөндеу жұмыстары жүргізілді. Қазіргі жағдайы жыл басындағыдай емес, жол кішкене болса да жақсарды, – деді Қазбек Мәмбетов.

Талғат Омаров