Орал тұрғыны үй аламын деп 21 миллион теңгесінен айырылды
Орал тұрғыны 21 миллион теңгеге үй алмақ болған.
Батыс Қазақстан облысы Полиция департаментінің мәліметінше, аталған тұрғын құрылыс компаниясының директорына таунхаустан үй алу үшін алдын ала 21 миллион теңгесін берген. Бірақ элиталық тұрғын үй алмаған. Ақшасын да қайтармаған.
Осылайша, компания директоры алдау жолымен оның 21 миллион теңгесін иемденіп кеткен. Өзінің ақшасын ала алмай әрі үй салынбаған соң 53 жастағы тұғын полицияға шағым түсірді.
Қазіргі кезде ҚК 190-бабы 3-бөлігіне (алаяқтық) сәйкес сотқа дейінгі тергеу амалдары жүргізілуде. Күдіктіден ешқайда кетпеу туралы қолхат алынды.
