Оралда алаяқ қыз студенттерді жоқ тұрғын үйді жалға беру арқылы алдаған
Полиция оны басқа қылмыстарға қатысы бар-жоғын тексеруде.
БҚО полиция департаментінің баспасөз қызметінің мәліметінше, алаяқ қыз танымал хабарландыру сайттарында пәтерді ұзақ мерзімді жалға беру туралы хабарландырулар орналастырған. Сонымен бірге ол жақсы жөндеуден өткен пәтерлердің және тұрмыстық техниканың суреттерімен «тұрғын үй шұғыл түрде жалға беріледі» деп, арзан бағаға қойған
Сенімді клиенттер оған қоңырау шалғанда, ол ағасының нөміріне алдын-ала төлем жасауды талап еткен. Сомалар әр түрлі болған – 10-нан 20 мың теңгеге дейін. Ақшаны алғаннан кейін алаяқ телефон нөмірін өзгертіп, жаңа хабарландыру жариялап отырған.
Тамыздан бастап ол жеті адамды алдаған, бірақ зардап шеккендердің саны көбірек болуы мүмкін. Негізінен студенттер мен жас отбасылар алаяқ қыздың құрбаны болған.
Күдікті 26 жастағы қыз ұсталды. Ол бұрын да қылмыстық жауапкершілікке тартылған екен.
