Қазақстандық өндірушілер жұмыртқа бағасы туралы айтты
Астанада Сауда және интеграция, Ауыл шаруашылығы министрліктерінің, Қазақстан құс өсірушілер одағының, жұмыртқа өндірушілер қауымдастығының, сауда желілері мен құс фабрикалары одағының басшылары тауық жұмыртқасының бағасын тұрақтандыру мәселелерін талқылады.
Жұмыртқа өндірушілер қауымдастығының мәліметінше, 2022 жылдың 9 айында ҚР құс фабрикалары 2 млрд 790 мың дана жұмыртқа өндірген. Бұл 2021 жылдың 9 айымен салыстырғанда 7,8 пайызға артық. Сонымен қатар, 2022 жылдың қыркүйегінде ғана құс фабрикалары 305,4 млн дана немесе 2021 жылдың қыркүйегімен салыстырғанда 3%-ға артық өнім өндірді. Осылайша, Қазақстанда тауық жұмыртқасы өндірісінің көлемі өсуде, бұл көлем халықтың ішкі қажеттілігін қамтамасыз ету үшін жеткілікті.
Сондай-ақ, өндірушілер тарапынан жұмыртқаға сұраныс маусымдық сипатқа ие екендігі, күзде жыл сайын жазға қарағанда бағаның өсуі байқалатынын атап өтті. Өндірушілер қараша айының басында бағалар тұрақтанды және одан әрі өсу күтілмейді деп мәлімдеді.
Жұмыртқа құс шаруашылығын дамыту үшін ауыл шаруашылығы министрлігі бір басына 60 теңге мөлшерінде тәуліктік тауық сатып алуды субсидиялайды. Субсидиялау қағидаларына толықтырулар енгізілді, оған сәйкес нақты өндіріс үшін жылына 5 млн. данадан бастап дана үшін 3 теңге мөлшеріндегі нормативпен жұмыртқа құнын арзандату үшін Қолдау қалпына келтірілді.
Ағымдағы жылы тағамдық жұмыртқаны субсидиялауға 7,5 млрд. теңге бөлінді.
Құс шаруашылығы ұйымдарының субъектілерін мемлекеттік қолдау шаралары шеңберінде Ауыл шаруашылығы министрлігі, салалық қауымдастықтар және Қазақстан құс өсірушілер одағы, «Азық-түлік корпорациясы «ҰК» АҚ арасында меморандум жасалды, оған сәйкес Азық-түлік корпорациясы мал және құс шаруашылығы шаруашылықтарына ҚҚС-пен тоннасына 117,0 мың теңге бағамен 150 000 тонна астық сатады (бұл нарықтан 30% төмен).
Меморандум шеңберінде Азық-түлік корпорациясы мал және құс шаруашылығы шаруашылықтарына 149,2 мың тонна жемдік астық, оның ішінде 128,0 мың тонна құс шаруашылығына тиесілі. Бұл шара келесі жылы да жалғасады. Осы мақсаттар үшін Азық-түлік корпорациясы 2023 жылға арналған жем-шөп қорын құрады.
