Орал қаласында аялдамалар сенімгерлік басқаруға берілмек
Аялдама павильондары 2017 және 2018 жылдары орнатылған.
ТКШ және АҚ бөлімінің бас маманы Нұрлыбек Мұханбетқалиев айтқандай, Орал қаласында 26 аялдама сенімгерлік басқаруға берілетінін және электрондық сауда алаңында лот жарияланғанын айтты. Тендердің нәтижелері 22 желтоқсанда анықталады. Осы уақытқа дейін кәсіпкер 1,3 млн теңге көлемінде кепілдік жарна енгізуге міндетті.
Бұл 2017 және 2018 жылдары орнатылған аялдамалар.
— Шартқа сәйкес тендерді жеңіп алған кәсіпкер аялдама павильондарын күтіп ұстауы тиіс: тазалықты, тәртіпті, жөндеуді қамтамасыз ету, оларды электр желілеріне қосу бойынша шығыстарды көтеру. Бұл ретте бизнесменге жарнамалық материалдарды орналастыруға, осы жерден табыс алуға рұқсат етіледі, — деп түсіндірді Нұрлыбек Мұханбетқалиев.
Неліктен ТКШ балансында қалмады деген сұраққа ол бұл бюджетке жүктеме деп жауап берді.
Жақында оралдықтар 10 миллион теңгегелік аялдамалардың жай-күйіне шағымданды. Олар павильондардың жағдайы дұрыс емес екенін атап өтті. Алайда, ТКШ-да кәсіпкер барлық ескертулерді жақын арада жоятынын хабарлады.
