Оралда автокөлік қағып кеткен әйел оқиға орнында көз жұмды
Апат бүгін, 12 желтоқсанда болған.
Оқиға бүгін таңмен шамамен сағат 07.50-де Деркөл кентіне барар жолда Белая казарма аялдамасы тұсында болды.
1985 жылғы жүргізуші Фольксваген Шаран авокөлігімен белгіленбеген жерден өтіп бара жатқан 56 жастағы әйелді қағып кеткен. Әйел алған жарақаттары салдарынан оқиға орнында жан тапсырды.
Оқиғаны БҚО полиция департаментінің баспасөз қызметі растап, ҚР ҚК 345-бабы 2-бөлігіне сәйкес сотқа дейінгі тергеу амалдары басталғанын жеткізді.
БҚО денсаулық сақтау басқармасы баспасөз қызметінің нақтылауынша, жедел жәрдем сағат 08.17-де шақырылды. Бірақ әйел қайтыс болып кеткен.
