Орал қаласында полицейге бұрағышпен шабуыл жасау бойынша қылмыстық іс қозғалды
Орал қаласында бұрағышыпен мас адам досының көлігін айыппұл тұрағына рәсімдеп жатқанда полицейге шабуыл жасаған.
Батыс Қазақстан облысы ПІБ баспасөз қызметінің мәліметінше, 19 желтоқсан күні сағат 03:50-де Мұхит пен Д.Нұрпейісова көшелерінің қиылысында 32 жастағы ер адамның басқаруымен ВАЗ-2110 автокөлігі тоқтатылды. Медициналық куәландыруға сәйкес ол орташа дәрежелі мас күйінде болған.
Полицияның айтуынша, бұған дейін бұл жүргізуші 7 жыл мерзімге көлік құралын басқару құқығынан айырылған.
«Оның жанында 24 жастағы досы болды. Автокөлік арнайы автотұраққа шығарыла бастағанда, жолаушы полиция инспекторына шабуыл жасап, оған бұрағышпен бірнеше рет соққы берген. Қылмыс жасалған кезде ол мас күйінде болған»,-деп хабарлады Батыс Қазақстан облысы ПД баспасөз қызметі.
Полиция қызметкеріне шабуыл жасаған жолаушыға қатысты ҚР ҚК 380-бабының 1-бөлігі бойынша қылмыстық іс қозғалды. Жүргізуші ҚР ҚК 346 бабы бойынша жауапқа тартылады.
Дереккөз: Zakon.kz
