Концерттер мен отшашулар: Орал Жаңа жылды қалай қарсы алады
Орал тұрғындарына 31 желтоқсанға арналған іс-шаралар бағдарламасы ұсынылады, Жаңа жылдың алғашқы күндерін қайда және қалай өткізу керектігі туралы әкімдікте хабарланған жоқ.
Егер сізде жаңа жыл қарсаңында барлығы дерлік дайын болса, бүгін, 31 желтоқсанда сіз City Center, Alem Plaza, Asia Mall, ОРАЛ және АТРИУМ сауда үйлерінде – 15:00-ден 17:00-ге дейін ұйымдастырылатын мерекелік концерттерге бара аласыз.
Мерекелік бағдарламамен скрипкашылар ансамблі, БҚО камералық оркестрі, қалалық үрмелі оркестр, филармония және мәдениет үйлерінің әртістері өнер көрсетеді.
Бүгін Сарытау ш/а-да Мөңкеұлы көшесінде Жаңа Жылдық концерттер өтеді. Зачаганск, Круглоозерное, Деркөл, Ветелки кенттерінде және Желаев ауылдық округінде оларды өткізу уақыты сағат 20:00 – ден 23:00-ге дейін.
Дәстүр бойынша жаңа жылдық басты концерттердің бірі Тұңғыш Президент алаңында бас қалалық шыршаның жанында-20:00-ден 23:00-ге дейін өтеді. Қала тұрғындарын келе жатқан Жаңа Жылмен жергілікті әртістер құттықтайды, ал іс-шара соңында барлығы жаңа жылдық отшашуды күтеді.
