Оралда ең қауіпті 3 апаттық учаске анықталды

Алдағы уақытта осы қиылыстарда жасанды кедергі орнатылмақшы.

9 қаңтар күні сағат 02: 00 шамасында 19 жасар жүргізушінің басқаруындағы «ВАЗ-2114» автокөлігі Карев көшесімен жүріп келе жатып, Құрманғазы көшесіндегі басты жолмен жүріп келе жатқан «Лада Ларгус» маркалы автокөлігін жібермей, соқтығысуға жол берді, нәтижесінде «ВАЗ-2114» автокөлігі Құрманғазы көшесіндегі №53 үйге соқтығысты.

Бүгінгі таңда қала бойынша ең қауіпті 3 апаттық учаске анықталды. Бұл Дәулеткерей мен Мұхит, Алмалы – Жұбаниязов және Құрманғазы – Карев көшелерінің қиылыстары.

ТКШ бөлімі Әкімшілік полиция бөлімімен бірлесіп, осы қиылыстарда жасанды кедергі орнату туралы шешім қабылдады. Мұнымен «Тәуекел» ЖШС мердігерлік ұйымы айналысады. Олар Ресейден тапсырыс берді, күннен күнге жеткізу күтілуде, – деді қалалық ТКШ бөлімінің автожол секторының бас маманы Альберт Бекмұхамбетов.