БҚО-да жыл басынан бері 44 адам COVID-19 жұқтырған
Бірінші қаңтардан бастап 604 ПТР зерттеу жүргізілді.
БҚО санитарлық-эпидемиологиялық бақылау департаментінің баспасөз қызметінен хабарлағандай, өңірдің эпидемиологиялық жағдайын бағалау матрицасы бойынша «жасыл» аймақта орналасқан.
— Осы жылдың басынан бері коронавирусты жұқтырудың 44 жағдайы тіркелді,оның ішінде 43 симптомдық жағдай және біреуі симптомсыз. Өткен тәулікте COVID-19 Екі жағдайы тіркелді, — деп хабарлады ведомстводан.
Бірінші қаңтардан бастап тұрғындар облыстың 11 зертханасында 604 ПТР-тест тапсырды. Соңғы тәулікте 89 зерттеу жүргізілді.
Естеріңізге сала кетейік, облыста тұмау вирусы да таралуда. А типті (H1N1-шошқа тұмауы) 10-нан астам адам жұқтырған.
