БҚО прокурорының бірінші орынбасары Александр Цуранков Астанаға ауыстырылды
БҚО прокурорының бірінші орынбасары қызметін атқарған Александр Цуранков Астанаға Қазақстан Республикасы Бас прокуратурасының жанындағы Құқық қорғау органдары академиясына ауыстырылды.
– Александр Цуранков ҚР Бас прокуратурасы жанындағы Құқық қорғау органдары академиясына тағайындалды. Оның орнына БҚО прокурорының бірінші орынбасары қызметін Дәурен Омарғалиев атқарады, – деп хабарлады БҚО прокуратурасы.
Айта кетейік, Александр Цуранков – Ақмола облысы Көкшетау қаласының тумасы. Ол 2017 жылдан бастап БҚО прокуратурасында жұмыс істеді. 2020 жылға дейін БҚО прокурорының орынбасары қызметін атқарды, 2020 жылы облыстық прокурордың бірінші орынбасары болды. Бұл қызметте ол Астанаға ауысқанға дейін – ағымдағы жылдың қаңтар айының ортасына дейін жұмыс істеді.
Александр Цуранков Оралдағы Трамадол сатушыларын прокуратура жауапқа тартпағаны үшін Цуранковты сынаған қоғам қайраткері Аслан Өтеповтің арқасында біздің облыста ең танымал болды. Айыптауларға жауап ретінде Цуранков Қазақстанда «трамадол» опиоидты препаратын сатқаны үшін қылмыстық жауапкершілік қарастырылмағанын, сондықтан полиция мен прокуратураның «қолдары байланғанын»мәлімдеді.
БҚО прокурорының бірінші орынбасары қызметін Дәурен Умарғалиев атқарады. Ол туралы оның прокуратурада және Маңғыстау облысы бойынша мемлекеттік қызмет және сыбайлас жемқорлыққа қарсы іс-қимыл департаментінде жұмыс істегені белгілі.
Талғат Омаров
Қатысты оқыңыз: Прокурорға қарсы үшеу
«Трамадол королі» неге қамауға алынбағанын БҚО прокуратурасы түсіндірді
