Петропавлдағы төтенше жағдайдан кейін еліміздің барлық мектептерінде қауіпсіздік тексерістері жүргізіледі
Қазақстанның барлық мектептерінде қауіпсіздікті тексеру жүргізіледі. Бұл туралы 13 ақпанда Білім министрлігінде хабарлады.
Мұндай шешім Петропавлда тоғызыншы сынып оқушысы мектепке балта мен пышақ әкелгеннен кейін қабылданды. Ол үш баланы жарақаттады.
Сонымен қатар, Білім министрлігінің хабарламасында айтылғандай, Министрдің тапсырмасы бойынша комиссия құрылды.
Оның құрамына Балалардың құқықтарын қорғау Комитетінің, білім беру саласындағы сапаны қамтамасыз ету Департаментінің, Солтүстік Қазақстан облысының білім басқармасының өкілдері кірді.
Айта кетейік, мектепте қауіпсіздікті қамтамасыз ету үшін бейнебақылау камералары орнатылған және дабыл түймесі бар. Оқиғаның мән-жайы белгіленеді.
«Сонымен қатар, облыстардың, республикалық маңызы бар қалалардың білім басқармаларына еліміздің барлық жалпы білім беретін мектептерінде қауіпсіздікке тексеру жүргізу тапсырылды»,-делінген ҚР Білім министрлігінің баспасөз қызметінің хабарламасында.
