БҚО тұрғындары салық бойынша 401 миллион теңге қарыз

Осы жылдың басында салық төлемдері бойынша борышкерлер арасында 30 276 батыс қазақстандықтар бар. Бережақтың басым бөлігі көлік салығына тиесілі – 82,3% – облыс халқының көліктері үшін қарызы 330,8 млн теңгені құрайды.

Облыстық мемлекеттік кірістер департаментінің хабарлауынша, БҚО бойынша 208 403 жеке тұлға тіркелген, олардың меншігінде 258 703 салық салу объектісі бар – бұл жылжымайтын мүлік және көлік.

2022 жылы барлық салықтарды 178 127 жеке тұлға немесе облыс тұрғындарының 85,5% төледі, олардан бюджетке 2,054 млрд теңге түсті (оның ішінде 503,9 млн теңге – мүлік салығы және 1,550 млрд теңге – көлік салығы) .

2023 жылдың басында 30 276 батыс қазақстандықтар салық түрінде 401,8 млн теңге қарыз. Берешек құрылымы бойынша ең жоғары пайыз көлік салығына 82,3% немесе — 330,8 млн теңгеге келеді.

– Салық заңнамасына сәйкес алдағы салық сомалары бойынша хабарламалар меншік иелеріне 2022 жылғы шілдеде жіберілді. Бұдан басқа, «Каспий банкі» АҚ мобильді қосымшасының пайдаланушыларына хабарламалар PUSH-хабарламалар түрінде қайта жіберілді, – деп түсіндірді Өңірлік коммуникациялар қызметінде өткен брифинг барысында БҚО бойынша Мемлекеттік кірістер департаментінің басшысы Бауыржан Айнабеков. – 2022 жылғы 3 қазаннан бастап борышкерлерге жеке тұлғалардың салықтық берешегі туралы хабарламалар жіберілді, оларды ерікті түрде орындауға отыз жұмыс күні беріледі. 1 АЕК-тен астам берешек сомасы бойынша хабарлама тапсырылғаннан кейін отыз жұмыс күні өткен соң берешекті мәжбүрлеп өндіріп алу туралы салық бұйрықтары қалыптастырылады, олар табыс етілгеннен кейін 5 жұмыс күнінен кейін салық төлеушіге сот орындаушыларына мәжбүрлеп өндіріп алуға беріледі.

БҚО бойынша МКД басшысы жеке сот орындаушысына салықтар бойынша борыштарды өндіріп алу туралы бұйрықтарды жолдау кезінде берешек сомасынан басқа, борышкерден салық берешегі сомасының 25% – на дейінгі мөлшерде өз қызметтері үшін төлемді қосымша өндіріп алатынын атап өтті.

Артық шығындар мен проблемаларды болдырмау үшін Бауыржан Айнабеков БҚО тұрғындарына мүлік салығын уақтылы төлеуді ұсынды.

Жылжымайтын мүлік пен көлікке салықтарды e-Salyq azamat мобильді қосымшалары және екінші деңгейдегі банктер, «Электрондық үкімет» порталы, екінші деңгейдегі банк бөлімшелеріндегі немесе төлем терминалдарындағы қолма-қол ақшамен, сондай-ақ банкоматтар мен төлем терминалдарындағы банк карталары арқылы төлеуге болады.

Салық бойынша консультацияларды МКД байланыс орталығынан 1414 қысқа нөмірі бойынша алуға болады (әрі қарай ауыстыруды таңдағанда «3»түймесін басыңыз).