Бақытжан Базарбекке қатысты қылмыстық іс қозғалғаны туралы хабарланды
Мәжіліс депутаттығына кандидат, адвокат Бақытжан Базарбекке қатысты қылмыстық іс қозғалғаны туралы Мұхтар Тайжан мәлімдеді, деп хабарлайды Kazakhstan Today агенттігінің тілшісі.
«2023 жылдың 2 наурызында азамат Бақытжан Базарбекке қатысты азаматтардың жеке деректерін заңсыз алып, таратқаны үшін қылмыстық іс қозғалды» деп жазды Тайжан сенбіге қараған түні әлеуметтік желідегі парақшасында.
Сонымен қатар ол сөзін дәлелдеп, растайтын құжаттардың көшірмелерін қоса берді.
Айта кетейік, Базарбек Алматыдағы № 5 бір мандатты сайлау округі бойынша Мәжіліс депутаттығына өз кандидатурасын ұсынған болатын.
