«3500-ге жуық адам жұмысқа тартылады»: Тоқаев Қарашығанақты кеңейту жобасымен танысты

Президент Батыс Қазақстан облысына жұмыс сапары барысында әлемдегі ең ірі мұнай-газ конденсат кен орындарының бірін игеріп жатқан «Қарашығанақ Петролиум Оперейтинг Б.В» консорциумының жұмысымен танысты, деп хабарлайды Ақорда ресми сайтында

Президент «Қарашығанақ Петролиум Оперейтинг Б.В» консорциумында. Фото: Ақорда 

Консорциумға барған Қасым-Жомарт Тоқаевқа Қарашығанақты кеңейту жобасы таныстырылған.

«Қарашығанақ Петролиум Оперейтинг Б.В» бас директоры Джанкарло Руюдың айтуынша, Қарашығанақты кеңейту жобасының 2021-2024 жылдарға жоспарланған алғашқы кезеңінде 5-ші газды қайта айдау компрессоры мен басқа да өндіріс нысандарының құрылысы жүріп жатыр.

Жобаның бұл кезеңінде 970 миллион доллар инвестиция құйылып, 3500-ге жуық адам жұмысқа тартылады. Ал жобаның 2023-2026 жылдарға жоспарланған келесі кезеңінде 6-шы газды кері айдау компрессорының құрылысы жүргізіледі. Бұл кезеңде 735 миллион доллар қаржы жұмсалып, 1300 жаңа жұмыс орны ашылады.

Президенттің баспасөз қызметінің мәліметінше, жалпы, Қарашығанақты кеңейту жобасы сұйық көмірсутегін өндіру деңгейін 46 миллион тоннаға дейін ұлғайтып, Қазақстан Республикасы мен Қарашығанақ жобасының серіктестеріне қосымша табыс табуға мүмкіндік береді.

«Қарашығанақ Петролиум Оперейтинг Б.В». Фото: Ақорда 

Сондай-ақ консорциум серіктестері қазір Энергетика министрлігімен бірлесіп, жаңа газ өңдеу зауытының техникалық-экономикалық негіздемесін әзірлеп жатыр. Егер газды кешенді түрде өңдейтін зауыт салынса, жылына 4 миллиард текше метрге дейін газ және 0,5-0,6 миллион тонна пропан-бутан фракциясын өндіріп, еліміздің энергетикалық әлеуетін айтарлықтай ұлғайтуға мүмкіндік туады.

Мемлекет басшысы жаңа газ өңдеу зауытының құрылысы өте маңызды екенін атап өткен Сонымен қатар Қарашығанақ кен орнының еліміздегі мұнай-газ индустриясын өркендетудегі және әлеуметтік-экономикалық саласын дамытудағы үлесі зор екеніне назар аударған.

1997 жылы Өнімді бөлісу туралы түпкілікті келісімге қол қойылғалы бері инвесторлар Қарашығанақ кен орнын игеруге 30 миллиард долларға жуық қаржы құйған.

Президент «Қарашығанақ Петролиум Оперейтинг Б.В» консорциумында. Фото: Ақорда 

Президенттің баспасөз қызметінің хабарлауынша, өңірдегі ең ірі кәсіпорын саналатын «Қарашығанақ Петролиум Оперейтинг Б.В» бүгінде 3,8 мың адамды тұрақты жұмыспен қамтып отыр. Ал консорциумға түрлі қызмет көрсетіп, өнім жеткізетін 142 мердігер мекемеде 20 мыңға жуық адам еңбек етеді. Жоба жүзеге асырыла басталғалы бері ҚПО ел экономикасына 57,4 миллиард доллар көлемінде табыс әкелген. Оның ішінде 45,9 миллиард доллар бюджетке салықтар, төлемдер және өнімдегі үлес есебінен түскен. Жалпы, «Қарашығанақ Петролиум Оперейтинг Б.В» 1998 жылдан бері өңірдегі әлеуметтік-инфрақұрылымдық жобаларға 754,5 миллион доллар бөлген. Бұл қаржыға Батыс Қазақстан облысы бойынша 16 аурухана мен емхана, 3 дене шынықтыру-спорт кешені, 34 мектеп пен балабақша, театрлар және мәдени орталықтар және басқа да инфрақұрылымдар салынған. 

Помогите нам рассказывать правду

Наши журналисты не боятся добывать правду, чтобы показывать ее вам. В стране, где власти постоянно хотят что-то запретить, в том числе - запретить говорить правду, должны быть издания, которые продолжают заниматься настоящей журналистикой.

Мы хотим зависеть только от вас — тех, кто хочет знать правду, тех, кто не боится быть свободным. Помогите нам рассказать вам правду.

Пожалуйста, поддержите нас своим вкладом в независимую журналистику!

Это просто сделать.

Можете нас поддержать через KASPI GOLD, отправив свою сумму на номер 8 777 761 02 61

x
2024-06-18
Утром23.47 ℃
Днем35.81 ℃
Вечером27.14 ℃
Ночью27.6 ℃
Влажность29 %
ДавлениеhPa 1015
Скорость ветра10.21 м/с
2024-06-19
Утром20.67 ℃
Днем30.5 ℃
Вечером29.48 ℃
Ночью22.34 ℃
Влажность46 %
ДавлениеhPa 1011
Скорость ветра7.16 м/с