«Ешқандай қауіп жоқ» – БҚО әкімі Орал әуежайының шетелдіктерге сатылуы туралы
БҚО әкімі Орал әуежайының шетелдік инвесторларға сатылуына қатысты пікір білдіріп, әуежайдың 49 пайызы Ресей азаматтарына сатылғанын айтты.
«Бұл мәміле жасырын жасалған жоқ. Бұл стратегиялық нысан, бірақ бүгінде ұшу-қону алаңы республикалық меншікте», – деді Төреғалиев үкімет отырысы кулуарында.
Ол 49 пайызы ресейліктердің меншігіне өткенін айтты. Бұл ретте үлес қандай заңды немесе жеке тұлғаға берілгені көрсетілмеген.
«Демек, стратегиялық нысандардың бәрі мемлекет меншігінде. Бұл қызмет көрсететін басқарушы компания. Ешқандай қауіп жоқ, сондықтан тұрғындарға дұрыс ақпарат берулеріңіз керек», – деп түйіндеді әкім.
Еске салайық, бұған дейін премьер-министрдің орынбасары – қаржы министрі Ерұлан Жамаубаев Орал әуежайының сатылуы туралы қауесетке қатысты пікір білдірген болатын. Ол нысан сенімгерлік басқаруда болған деп жауап берді.
ОҚИ ОТЫРЫҢЫЗ: Орал әуежайын ресейлік миллиардермен байланысты компания сатып алды
БҚО әкімдігі ресейлік инвесторға Оралдағы әуежайды сату туралы білмеген
Оралдағы әуежайдың тек ұшып-қону жолағы стратегиялық маңызы бар нысанға жатады – министр
Оралдағы әуежайды дамытуға әуежай операторының жаңа меншік иесі 10 млрд теңге инвестициялайды
Дереккөз: Tengrinews.kz
