Орал қаласында автокөліктен бес қап киік мүйізі табылды
Орал қаласында автокөліктен 5 қапқа салынған 642 дана киік мүйізі табылған.
«Охотзоопром» ӨБ» РМҚК Батыс Қазақстан өңірлік филиалынан мәлім еткендей, оқиға Зачаган кентінің Бірлік көшесіндегі №17 үйдің алдында болған.
ҚР ҰҚК БҚО бойынша департаментінің қызметкерлері мен «Охотзоопром» ӨБ» РМҚК инспекторлары бірлесіп жүргізген жедел іс-шаралар кезінде бір тұрғынның басқа адамдардың көмектесуімен киік мүйіздерін өткізбектігі екендігі жөнінде мәлімет алынды.
«Департамент қызметкерлері мен «Охотзоопром» инспекторлары аталған үйдің алдында Chevrolet Captiva автокөлігін тінтіп, тергеу амалдарын жүргізді. Тінту барысында автокөлік салонының артқы жағы мен жүк салғышынан 5 қапқа салынған 642 дана киік мүйізін тауып, тәркіледі. Сараптама тағайындалып, ҚР ҚК 339-бабына сәйкес тергеу амалдары жүргізіліп жатыр», – деп хабарлады ведомстводан.
