БҚО-да екі жас жігіт экспедиторды тонаған
Олар 1,8 млн теңге сомасында ақшасы бар пакетті тартып алған.
Оқиға 1 сәуір күні Мичурино ауылында болды. Екі жас жігіт зорлық-зомбылық көрсетіп, экспедитордан 1,8 млн теңге сомасында ақшасы бар пакетті тартып алған.
1990 жылы туған жәбірленуші шабуылдаушылар бетперде киіп, оның бетіне бірнеше рет соққы бергенін хабарлаған. Ақшаны тартып алғаннан кейін, қарақшылар оқиға орнынан ВАЗ 2115 көлігімен бой тасалаған.
1996 және 1997 жылы туған күдіктілер ұсталып, тергеу изоляторына қамауға алынды.
ҚР ҚК 191-бабының 3-бөлігі бойынша сотқа дейінгі тергеу басталды.
Айыпты деп танылған адамның мүлкі тәркіленіп, бес жылдан он жылға дейінгі мерзімге бас бостандығынан айыру жазасына кесіледі.
