БҚО-да бұрынғы әйелін пышақтап кеткен ер адам іздестіріліп жатыр
Зардап шеккен адам – тірі. Ол Бәйтерек ауданының орталық ауруханасына жатқызылды. Күдікті іздестіріліп жатыр.
33 жастағы ер адам дәмхана маңында 28 жастағы бұрынғы әйеліне бірнеше рет пышақ салды. Одан кейін ол қылмыс орнынан ізін суытқан. Қанды оқиға 8 сәуірде сағат 01:40-та Бәйтерек ауданының Переметный ауылында орын алған.
БҚО полиция департаментінің баспасөз қызметінен мәлім еткеніндей, оқиға Бәйтерек ауданы орталығы Переметный ауылында болды.
«8 сәуір күні сағат 01.40-та 1990 жылғы ер адам кафелердің бірінің маңында өзінің 28 жастағы әйеліне көптеген пышақ жарақатын салған. Содан кейін оқиға орнынан бой тасалаған. Зардап шеккен әйел Бәйтерек аудандық орталық ауруханасына жатқызылды. Қазіргі кезде күдіктінің жүрген жерін анықтау мақсатында жедел іздестіру жұмыстары жүргізілуде. Бұған полицияның барлық күші жұмылдырылды. Аталған дерек бойынша ҚР ҚК 24-бабы 3-бөлігі – 99-бабы 1-бөлігіне (кісі өлтіруге оқталу) сәйкес сотқа дейінгі тергеу амалдары басталды», деп хабарлады ведомстводан.
