Оралда ветеринарлық препараттар шығарыла бастады
Орал қаласында импортты алмастыру бағдарламасы аясында паразитке қарсы ветеринариялық препараттар өндірісі іске қосылды.
Препараттар Ғылым комитетінің қаржыландыруы есебінен шығарылатын болады. Бұл туралы жобаның ғылыми кеңесшісі, ветеринария ғылымдарының докторы, профессор Гайса Абсатиров әлеуметтік желідегі парақшасында айтты.
«Ғалымдар, ветеринария ғылымдарының докторлары паразитке қарсы ветеринариялық препараттарға көпжылдық ғылыми-техникалық және практикалық зерттеулер жүргізді. Зерттеу нәтижесінде формула жасалды, фармакокинетикасы, уыттылығы және препараттардың емдік тиімділігі зерттелді», дейді Гайса Абсатиров.
Өндірілген екі препарат Батыс Қазақстан облысында сыналды. Олардың тиімділігі жоғары нәтиже көрсетті.
