Батыс Қазақстанда Қорғастың аналогы салынбақ

Қазақстанның батысында трансшекаралық сауда орталығы (ТСО) пайда болады. Бұл туралы Сауда және интеграция министрлігі хабарлады.

Министрліктің мәліметінше, «Еуразия» сауда орталығын іске қосу 2025 жылдың III тоқсанына жоспарланған.

Алдын ала бұл орталық Ресейдің шекаралас аймақтарына бағдарланатын болады және Шығыс Еуропа елдерінің нарықтарын қамтуы мүмкін. Сондай-ақ, сауда министрлігінде «Еуразия» Батыс Қазақстан облысы ғана емес, еліміздің басқа да өңірлері кәсіпорындарының экспорттық әлеуетін қамтитын трансшекаралық хабқа айналады деп болжануда.

Сонымен қатар, «БҚО әлеуметтік-экономикалық дамуының 2022-2025 жылдарға арналған кешенді жоспарына» сәйкес, аталған орталықты салуға алдағы үш жылда 10 млрд теңге жеке инвестиция жоспарланған. Оның ішінде 2023 жылы – 1 млрд теңге, 2024 жылы – 4 млрд теңге, 2025 жылы – 5 млрд теңге.

Дереккөз: lsm.kz