Импортқа тыйым салынғаннан кейін Қазақстанда астық бағасы көтерілді
Ресей бидайын автомобильмен әкелуге енгізілген тыйым елдің ішкі нарығындағы бағаның шамалы өсуіне әкелді.
Ресей бидайын Қазақстанға автомобильмен әкелуге тыйым салынғаннан кейін ішкі нарықта да, шекарада да (тоннасына шамамен 10 доллар) бағаның шамалы өсуі байқалады, дейді сарапшылар. Бұл үрдіс бірнеше факторларға байланысты. «СовЭкон» талдау орталығының директоры Андрей Сизов елдегі бағаға әсер ететін негізгі фактор өткен маусымдағы астық қалдықтары деп есептейді, деп жазды Елдала.
Ұлттық статистикалық бюроның мәліметі бойынша, сәуір айының басында елімізде 8 миллион 347 мың тонна азық-түлік астығы болған. Бұл 2022 жылдың сәуірімен салыстырғанда (5 млн 16 мың тонна) 3,3 млн тоннаға артық.
Алайда бұдан әрі бұл фактор жағдайға айтарлықтай әсер етуі екіталай, өйткені теміржол арқылы жеткізу жалғасуда.
Сарапшылар Қытайға экспортты арттыру арқылы ғана нарықты түбегейлі қолдауға болады деп есептейді. Әзірге Қытай астық тасымалдаушылары айына 100 мың тонна қазақ бидайын қабылдауға дайын. Дегенмен, бұл бағыттың әлеуеті әлдеқайда жоғары – айына 700 мың тоннадан астам болуы тиіс.
