Елімізде еңбек биржасында белсенділік төмендеген
Ел ішінде жұмыс іздейтін азаматтар саны күрт азайған.
Мәселен өткен айда электронды еңбек биржасында жарияланған түйіндемелер саны 35 пайызға кеміген.
Бұл туралы Еңбек және халықты әлеуметтік қорғау министрлігі хабарлады.
Зерттеу нәтижесіне сай, жұмыс берушілер тарапынан да жұмысшыларға деген сұраныс 3 пайызға азайып отыр. Ал ең тапшы мамандар тізімі өзгеріссіз қалуда.
Қазір елімізге 14 мыңдай білім саласының маманы жетіспейді.
Ал денсаулық сақтау саласына дәрігер, мейірбике секілді үш жарым мыңға жуық кадр қажет. Сондай-ақ мың жарымдай жүргізуші, тәрбиеші мен күзетшіге сұраныс бар.
Наурыз айында ең көп сұранысқа ие жұмыскерлердің арасында біліктілігі жоқтармен қатар жүргізушілер (1,6 мың), тәрбиешілер (1,5 мың) және күзетшілер (1,4 мың бос жұмыс орны) болды. Сондай-ақ, санитарлар (1,3 мың), медбике/мейіргер (1,2 мың) және бухгалтерлер (1,2 мың бос жұмыс орны) сияқты мамандарға қатысты жоғары сұраныс әлі де байқалады.
Оқи отырыңыз: Қазақстанда 2030 жылға дейін сұраныста болатын мамандықтар анықталды
Қазақстандағы сұранысқа ие мамандықтар қандай
Тігінші, аспаз, күзетші. Қазақстанда сұраныс жоғары 10 мамандық қандай?
