Орал көпірі жөндеуге жабылады

Онда жаңа асфальт төселеді.

ТКШ бөлімінің бас маманы Альберт Бекмұхамбетов жұма күні, 21 сәуірде Самара-Шымкент — 32 м автожолы бойынша Жайық өзені арқылы өтетін көпірді жабуды жоспарлап отырғанын айтты. Онда жол төсемі жөнделеді. Жұмысшылар қалыңдығы 5-6 сантиметр болатын асфальттың ескі қабатын толығымен қырып алады.

– Жаңа асфальт төселеді. Қазір көпір қанағаттанарлықсыз жағдайда, ол 1961 жылы пайдалануға берілді, содан бері ешқандай жөндеу жұмыстары жүргізілмеді, біз оны тек ағымдағы және орташа жөндеумен қолдаймыз. Бүгінгі таңда онда қоршауларды ауыстыру жұмыстары жүргізілуде, шамамен 300 метр ауыстырылды. Жұмыс жалғасуда. Қазір тасымалдаушымен бірге қоғамдық көлік мәселесі шешілуде, №12 автобус пен мектеп автобусы осы көпірмен жүреді. Өтпелі қозғалыс болмайды, ол Меловые горки аймағындағы жаңа көпір арқылы жүзеге асырылады, — деді ол.

Жөндеуді жеті — сегіз күнде аяқтап, шамамен 29 сәуірге дейін тапсыру жоспарлануда. Мердігер болып «Адал арна» ЖШС анықталды.

Оқи отырыңыз: Оралдағы көпірді жөндеуге 1 млрд теңге бөлінген