Жайық өзеніндегі көпір жабылды: №12 маршрут қалай жүреді
Орал-Подстепный бағытындағы Самара-Шымкент трассасы бойындағы көпір 21 сәуір күні жөндеуге жабылды.
Автобустардың бір бөлігі Медколледж аялдамасына дейін жаңа көпір арқылы өтеді.
21 сәуірден бастап Жайық өзеніндегі көпір орташа жөндеуге жабылды. Мердігер асфальттың жоғарғы қабатын алып тастап, жаңасын төсеуі керек. Жөндеу жұмыстарының болжамды уақыты-6-7 күн.
Сонымен қатар, Орал ТКШ-да қала орталығынан Подстепное ауылы мен әуежайға дейін баратын №12 маршруттың қалай жүретіні айтылды.
— Осы бағыттағы 3-4 автобус Подстепное ауылынан жаңа көпір арқылы Зачаганск ауылындағы медколледж аялдамасына дейін жүретін болады. Онда олар бұрылып, кері қайтады. Қалған автобустар қала орталығынан Орал көпіріне дейін өз бағыты бойынша жүреді, сол жерде бұрылып, кері қайтады, — деп хабарлады ТКШ бөлімі.
Орал қаласы әкімінің баспасөз қызметінен мәлім еткендей, осы мақсатқа 940 млн 671 мың теңге қарастырылып отыр. Орал-Подстепный бағытындағы Самара-Шымкент трассасы бойындағы көпір 21 сәуір күні жөндеуге жабылды.
«Орташа жөндеу жұмыстарын мердігер мекеме – «Адал арна» ЖШС атқарады. Жөндеу барысында көпірдегі қалыңдығы 5-6 см ескі асфальт төсемі толықтай кесіліп алынып, жаңа асфальт жабыны төселеді. 1961 жылы пайдалануға берілген көпір содан бері ағымдағы жөндеулерден өткенімен, тозығы еткен. Одан жүк көліктерінің өтуіне тыйым салынған. Асфальт төсеумен қатар, көпірдің деформациялық тесіктерін қалпына келтіру, қоршауларды ауыстыру және жарықтандыру жұмыстары жүргізіледі. Қазірдің өзінде 300 метр қоршау ауыстырылды. Көпірдің жабылуына байланысты қоғамдық көлік бағыты да өзгереді. Автокөліктер Меловые горки ауылы бағытындағы Жайық өзенінен өтетін көпір арқылы қатынайтын болады. Жөндеу жұмыстарын бір аптаның ішінде аяқтау жоспарланып отыр», – деп хабарлады ведомстводан.
Айта кетейік, көпірдің ұзындығы-1,7 шақырым. Мұнда соңғы рет 2015 жылы жөндеу жұмыстары жүргізілді. Сол кезде көпір екі аптаға жабылды.
Ал, халық жаңа деп атайтын Зачаганск аймағындағы көпір 90-шы жылдардың басында пайдалануға берілді және оның өзі де жөндеуді қажет етеді.
