БҚО-да жайылмаға су жіберілді
Тұрғындар су жіберуді өздері сұраған.

22 сәуірде кешке Жайық көпірінің астына су жіберілді. Тұрғындар жайылма арқылы өтетін көпір жөндеуге жабылғандықтан, көліктерімен сол жерден өтіп журген болатын. Жүргізушілер алдын-ала ескертілмегеніне наразы болды.
Теректі ауданының әкімі Тілекқабыл Ғабдушев тұрғындардың өздері су жіберуді сұрағанын айтты. Сондықтан Жайықтың су деңгейі қайтадан көтеріле бастағанда, өзеннен жайылмаға су жіберілді.
– Біз жайылма арқылы өтетін көпір жабылатынын және жаңа көпірмен жүру керек екенін ескерттік. Бірақ жүргізушілердің өздері айналма жол құрды, – деді Ғабдушев.
Естеріңізге сала кетейік, көпірдің өзі жөндеуге жабылды. Мердігер асфальттың жоғарғы қабатын алып тастап, жаңасын төсеуі керек. Жөндеу жұмыстарының болжамды уақыты-6-7 күн.
ТАҚЫРЫП БОЙЫНША ОҚИ ОТЫРЫҢЫЗ: Оралдағы көпірді жөндеуге 1 млрд теңге бөлінген