Оралдағы қоқыс жәшігінен нәресте табылды
Бала целлофан пакетке оралған.

БҚО полиция департаментінің баспасөз қызметінің мәліметінше, 24 сәуір күні сағат 11.30-да 102 операторының пультіне Надежда көшесіндегі 66 үйдің артындағы қоқыс жәшігінде целлофан пакетке оралған жаңа туған нәресте табылғандығы туралы хабарлама келіп түскен.
Оқиға орнына дереу жеткен тәртіп сақшылары жаңа туған сәбиді шұғыл түрде қалалық көпсалалы ауруханаға жатқызды.
Бұл факт Орал қ. ПБ Ақпаратты есепке алу кітабына тіркелді, содан кейін ҚР ҚК 119-бабы «Қауіп-қатерде қалдыру»бойынша Сотқа дейінгі тергеп-тексерулердің бірыңғай тізіліміне ауыстырылды.
Полиция дереу баланың анасын анықтады. Ол 100 АЕК-ке дейін айыппұл немесе сол мөлшерде түзеу жұмыстарына немесе 120 сағатқа қоғамдық жұмыстарға немесе 45 тәулікке дейін қамауға алынуы мүмкін.
Баланы әйел адам тапқан екен. Ол бастапқыда қоқыс жәшігінде марғау жатыр деп ойлағанын айтты.
– Сағат 11.00 шамасында мен аулаға төсеніштерді қағу үшін шықтым. Мен марғаудың даусына ұқсас дыбыс естідім. Кішкене тұрып тыңдадым, дыбыс баланың жылағанына ұқсайды. Мен қорқып кеттім, туысымды шақырдым, ол пакетті ашып, нәресте жатқанын және ол қозғалатынын айтты. Біз көршілерді шақырдық, ер адамдардың бірі баланы алды. Ол тірі екен, қатты жылаған, жаңа ғана туылғанын көруге болады. Ол киімсіз, тек пакетте болды», – деді ол.