БҚО-да қашқын ресейлік азаматқа босқын мәртебесін беруден бас тартылды
Батыс Қазақстан облысы Бөкей ордасы аудандық сотында Ресей азаматы Игорь Санжиевтің мемлекеттік шекараны заңсыз кесіп өту фактісі бойынша отырыс өтті. Сондай-ақ ер адамға босқын мәртебесін беруден бас тартылғаны да белгілі болды.
Сот істі ҚР ҚК 392-бабының 1-бөлігі — «Қазақстан Республикасының Мемлекеттік шекарасын қасақана заңсыз кесіп өту» бойынша қарады.
«Мен қашуға мәжбүр болдым, өйткені бейбіт адамдарды өлтіргім келмейді. Өткізу пункті арқылы өте алмаушы едім, төлқұжатым жоқ», — деді Игорь Санжиев сотта.
Мемлекеттік айыптаушы оған әскери билетпен де Қазақстан шекарасынан өте алатынын, ол да жеке басты куәландыратын құжат болып табылатынын айтты. Санжиев бұл туралы білмегенін жеткізді.
Сондай-ақ, сотталушы соттан өзінің өкініш білдіруіне, сондай-ақ мұқтаж жағдайда құқық бұзушылыққа баруға мәжбүр болуына байланысты келісімге келу амалын қолдануды сұрады.
Прокурор БҚО Еңбек және әлеуметтік қорғау департаментінің жанындағы комиссияның шешімін іске қосуды сұрады, онда Игорь Санжиевке босқын мәртебесін беруден бас тартылғаны көрсетілген.
Босқын мәртебесін беруден бас тарту жағдайына қатысты Санжиев қайта шағымдануға ниетті.
Дереккөз: Zakon.kz
ОҚИ ОТЫРЫҢЫЗ: Мобилизациядан қашқан Ресей азаматы Қазақстаннан пана сұрады
