Елімізде бір апта ішінде әлеуметтік маңызды азық-түлік тауарлары қаншаға қымбаттады
Өткен аптада әлеуметтік маңызы бар азық-түлік тауарларына бағалар 0,1%-ға, жылдық мәнде 10,5%-ға өсті. Ұлттық статистика бюросы осындай мәлімет ұсынды.
Әлеуметтік маңызы бар азық-түлік тауарларының тізбесіне 19 атау кіреді. Баға өзгерісі туралы көрсеткіштер апта сайын жаңарып отырады.
2023 жылдың 2 мамырындағы мәліметке сәйкес, ҚР бойынша әлеуметтік маңызы бар кейбір тауарлардың орташа бағасы былайша өзгерді:
– күнбағыс майы – 860 тг/л
– сәбіз – 152 тг/кг
– қарақұмық – 413 тг/кг
Сонымен қатар, сүт, айран, май, картоп, пияз, қырыққабат, күріш және сиыр етінің бағасы аздап өсті.
Бағаның өзгеруі туралы ақпарат барлық облыс орталығынан, республикалық маңызы бар қалалардан және астанадан жиналады. Ол үшін елдімекеннің әртүрлі бөліктерінде орналасқан тауарлардың кең ассортименті бар әртүрлі типтегі сауда объектілері (гипермаркеттер, супермаркеттер, дүкендер, коммуналдық базарлар, әлеуметтік дүкендер мен павильондар) таңдалады.
