Оралда жасөспірім қыз көпқабатты үйдің шатырынан секірмек болған
Оқиғаның себептері бойынша тергеу әрекеттері жүргізіліп жатыр.
Полицияға кәмелетке толмаған жасөспірімнің жоғалып кеткені туралы өтініш 12 мамыр кешке келіп түскен. Қыз бала таңертеңгі уақытта көп қабатты үйлердің бірінің төбесінде секіргелі тұрған жерінен табылды.
«Департаменттің барлық жеке құрамы жасөспірімді іздеуге жұмылдырылды. Қыз бала таңертеңгі уақытта көп қабатты үйлердің бірінің төбесінде секіргелі тұрған жерінен табылды. Ювеналды полиция инспекторлары Рамазан Жадигеров пен Әділ Сахипкереев баланы уақытында райынан қайтарып, аман алып қалды»,- деп хабарлады БҚО ПД баспасөз қызметі.
Қазір жасөспіріммен психологтар жұмыс істеп жатыр.
Оқиғаның себептері бойынша тергеу әрекеттері қолға алынды.
