БҚО-да ауданаралық маршруттарда жол жүру құны өсті
Бүгінгі таңда 24 ауданаралық маршрут 15 тасымалдаушыға қызмет көрсетеді.
БҚО жолаушылар көлігі және автомобиль жолдары басқармасының басшысы Айдар Менеев өңірдің 12 ауданының тоғызы автобус маршруттарымен қамтылғанын айтты. Казталовка — Орал, Сайхин — Орал және Жымпиты — Орал бағыттары бойынша тасымалдаушы жоқ. Алдыңғы келісімшарттық міндеттемелерді орындамады маршруттың тұрақтылығы айына 70% — дан аз болғандықтан басқарма келісімшартты біржақты бұзуға мәжбүр болды. Маршруттарға қызмет көрсеткісі келетіндер жоқ.
Осыған қарамастан, Менеев осы және басқа маршруттар бойынша тасымалдаушылар алдағы конкурстарда анықталуы мүмкін деп болжады. Конкурс 25 мамырда өтеді.
– 2021-2022 жылдардағы конкурстардың қорытындысы бойынша Орал қаласынан Тасқала, Пятимар, Федоровка, Қалдығайты, Хан Ордасы, Бұлдырты, Январцево, Покатиловка, Жаңабұлақ, Шағатайға баратын 10 жаңа ауданаралық автобус маршруттары ашылды. 2013 жылдан бастап жыл сайын әлеуметтік маңызы бар ауданаралық (қалааралық облысішілік) маршруттар субсидияланады. Жылдан жылға облыстық бюджеттен бөлінетін субсидиялар көлемі артып келеді. Мәселен, 2021 жылы бұл мақсаттарға 176 миллион теңге, 2022 жылы – 355,5 миллион теңге бөлінді, ал 2023 жылы субсидиялауға 382,8 миллион теңге бағытталды, соның есебінен жол жүру құны төмен деңгейде. Мысалы, қазір шалғайдағы Жәнібек ауылына бір жолаушыға билет құны 3 060 теңгені құрайды. Ал Орал мен Жәнібек арасындағы такси құны алты мың теңгені құрайды, – деді Айдар Менеев.
Субсидиялар арқылы тасымалдаушылар өз паркін жаңартуы керек.
Басқарма басшысы сондай-ақ қолданыстағы жол жүру тарифі 2013 жылдан бері көтерілмегенін атап өтті. Алайда, жанар-жағармай материалдары, қосалқы бөлшектер мен техникалық жөндеу қызметтері құнының жыл сайынғы өсуін ескере отырып, бірінші мамырдан бастап жол жүру құнын арттыру туралы шешім қабылданды. Осылайша, тұрақты әлеуметтік маңызы бар ауданаралық тасымалдарға 1 километрге 6 теңге мөлшерінде тариф белгіленді, бұрын ол 4 теңге болатын.
Барлық туындаған сұрақтар бойынша жолаушылар мына нөмірге қоңырау шала алады: (7112) 51- 92- 63
