БҚО-да борышкерлердің көлігін айып тұрағына жібермекші
Ертең өңірде «Борышкер» ЖПІШ «(жедел-профилактикалық іс-шарасы) басталады.
БҚО полиция департаментінің ақпараты бойынша, ағымдағы жылы құқық бұзушыларға қатысты жалпы сомасы 718 млн теңгеге 61 685 салынды, оның 501 млн теңгесі немесе 69,8% өндірілді. Сонымен қатар, осы уақытқа дейін 200 млн теңгеден астам сомаға 13 мыңнан астам айыппұл өндірілмеген күйінде қалып отыр.
— Жазаның бұлтартпастығы қағидатын қамтамасыз ету мақсатында ағымдағы жылдың 22-25 мамыр аралығында Батыс Қазақстан облысының аумағында «Борышкер»жедел-профилактикалық іс-шарасы өткізілетін болады. Іс-шараны өткізу барысында полиция қызметкерлері жеке сот орындаушыларымен бірлесіп әкімшілік айыппұлдарды өндіріп алу туралы қаулыларды орындау бойынша жұмыс жүргізілетін болады. Айыппұл төлемейтін қасақана құқық бұзушыларға қатысты автокөліктерді мамандандырылған тұраққа орналастыру бойынша шаралар қабылданатын болады, — деп хабарлады ведомстводан.
Сіз төмендегі порталдарда айыппұлдардың бар жоғын тексере аласыз:
— Қазақстанның электрондық үкіметі (egov.kz);
— Құқықтық статистика және арнайы есепке алу комитетінің ақпараттық сайты (qamqor.gov.kz);
— Қазпошта сайты (post.kz);
-сондай-ақ банктерде және онлайн-банкинг ресурстарында.
Айыппұл төлеуді екінші деңгейдегі банктер, «Қазпошта» филиалдары арқылы не онлайн-банкингтің мобильді қосымшасында жүргізуге болады, бұл ретте «Әкімшілік құқық бұзушылықтардың бірыңғай тізілімі» (ӘҚББТ) жүйесіне автоматты интеграциялау үшін төлем жүргізілетін хаттаманың нөмірін көрсету қажет.
