Қазақстанда балаларды зорлық-зомбылық пен суицидтен қорғаудың кешенді жоспары әзірленді
Балаларды зорлық-зомбылықтан қорғаудың, суицидтің алдын алудың және балалардың құқығын қамтамасыз етудің «Бала қорғау» атты кешенді жоспары әзірленді.
Құжаттың мақсаты – балалардың қауіпсіздігін қамтамасыз ету жүйесін құру, балаларға уақтылы білікті көмек көрсету, сондай-ақ балаларға қатысты зорлық-зомбылықтың алдын алуға бағытталған 2023-2025 жылдарға арналған қосымша шаралар кешенін қабылдау.
Кешенді жоспар 4 бөлім мен 4 бөлімшеден тұрады. Психологиялық-әлеуметтік-педагогикалық қызметтің жұмысын жақсартуға, жаңғыртуға, цифрландыруға бағытталған шаралар кешенінің көмегімен балалардың суицидтері мен аутоагрессивті мінез-құлық мәселелерін шешу ұсынылады.
Осы мақсатта жоғары оқу орындарында практикалық психология зертханаларын құру жоспарлануда, бұл отандық ЖОО-ның профессорлық-оқытушылық құрамы мен студенттерінің әлеуетін пайдалануға және оларды бірлескен жобаларды жүзеге асыруға тартуға мүмкіндік береді.
Құжат 6 маусымға дейін қоғамдық талқылау үшін Ашық НҚА сайтында жарияланған.
