Оралда үшінші күн қатарынан қоқыс полигонындағы өртті сөндіріп жатыр
Үш күн бойы Орал полигонындағы қатты тұрмыстық қалдықтар полигонындағы өрт ошақтарын жоя алмай жатыр. Өртті сөндіруге 70 адам мен 50 техника жұмылдырылған. Өртеніп, тұтанған қоқыс көлемі бір гектарға жетті.
Өрт жеке секторға қауіп төндірмейді, дейді құтқарушылар. Бірақ облыс орталығын басып қалған қара түтін үрей туғызады. Дегенмен батыстан соққан жел оны қаладан алыс жаққа айдауда.
«Өртті жою үшін топырақты пайдаланып жатырыз, әдетте ол отты өшіру үшін қажет. Мұндай өрттер үшін суды пайдалану іс жүзінде мүмкін емес. Өрт сөндіру жұмыстары ауа-райы жағдайларына байланысты қиындай түсті. Соңғы аптада сыртта ауа температурасы жоғары болғанын өздеріңіз көріп отырсыздар. Сондай-ақ, жел күшейгенімен, қалаға қарай соқпайды», – дейді Орал қалалық ТЖБ бас маманы Верген Шабаров.
Орал маңындағы қатты тұрмыстық қалдықтар полигонының жалпы ауданы 33 гектар. Ондағы өрт 25 мамыр күні кешке шыққан. Облыстық Төтенше жағдайлар департаменті баспасөз қызметінің хабарлауынша, өрт аумағы ұлғаймаған, бірақ жану ошақтарын түбегейлі жою әлі мүмкін болмай отыр.
