БҚО кентінде 9 сынып оқушысы алған соққыдан қайтыс болды
Сенбіден жексенбіге қараған түні, 28 мамыр, сағат 01.28-де Орал қаласының көпсалалы балалар ауруханасына Щапово кентінен 9-сынып оқушысы жеткізілді, ол есін жимаған күйі қайтыс болды . Кейінірек сол мектептің оқушысы ұсталды, онымен бірге қайтыс болған жасөспірім сөзге келіп қалып, жасөспірімді кеудесіне жұдырықпен ұрған.
Қазіргі уақытта полиция қылмыстық істі ҚР ҚК-нің 106-бабы, 3-бөлігі «Денсаулыққа қасақана ауыр зиян келтіру» бойынша тергеп жатыр. Осы баптың санкциясы үш жылдан сегіз жылға дейінгі мерзімге бас бостандығын шектеу түріндегі жазаны не сол мерзімге бас бостандығынан айыруды көздейді.
Щапово кентінің мұғалімдері қайтыс болған жасөспірімнің 9-сыныпта оқығанын, ал ұсталған адамның 8-сыныпта оқығанын айтты. Сенбі күні кешке, 28 мамырда ескерткіштің жанына негізінен жергілікті мектеп оқушыларынан тұратын бір топ жас балалар жиналған. Біраз уақыттан кейін қайтыс болған адам мен ұсталған адам арасында ауызша жанжал болған, оның барысында сегізінші сынып оқушысы 9-сынып оқушысын кеудесіне жұдырықпен ұрған.
– Соққыдан кейін жасөспірім өзін жайсыз сезініп, тұншыға бастаған. Жақын маңдағы басқа оқушылар су әкеліп, ал жасөспірімдердің бірі жәбірленушінің ата-анасына қоңырау шалған. Оқиға орнына зардап шеккен жасөспірімнің анасы келіп «Жедел жәрдем» шақырған, – деді жергілікті мектеп мұғалімдері.
Бәйтерек ауданының білім бөлімінің мәліметінше, қайғылы оқиға орнында полиция «кока-коланың» бос пластик бөтелкелерін ғана тапты, алкоголь бөтелкелері табылған жоқ.
БҚО денсаулық сақтау басқармасының баспасөз қызметінде жасөспірімді Орал қаласының ОКБА-на жеткізген кезде дәрігерлер оның қайтыс болғанын, сол кезде жасөспірім тіршілік белгілерін көрсетпегенін хабарлады.
Талғат Омаров
